Magnet Ⓜ️

مين يحتاج Magnet؟

إذا كنت من الناس اللي زي حالتي عندهم شاشة كبيرة 🖥 أو تعتمد على شاشتين 🖥🖥 وجهازك mac 💻 .. فهذا المقال لك 😉 ..

من عام ٢٠١٤ وانا ما اعرف اشتغل بشكل كويس على شاشة واحدة لازم يكون عندي شاشتين أو على الاقل شاشة وحدة كبيرة, يعني على الاقل ٢٧ انش..

من المشاكل اللي كنت أواجهها هي تقسيم البرامج والمجلدات على الشاشة 😓 إلين ماتعرف على برنامج Magnet

البرنامج عمله بختصار يسهل على ترتيب البرامج والمجلدات في الشاشات أو الشاشة اللي عندك وهذي أمثلة من موقع التطبيق ..

إيش مميزات Magnet؟

من مميزات البرنامج إنه يقدم خيارات كثير جدا لتقسيم البرامج والنوافذ على الشاشة تقدر تشوفها في الصورة هذي

إذا لاحظت بجانب كل خيار من الخيارات في اختصار .. وإذا تعودت على الاختصارات الحياة راح تسير أسهل 👍🏻

وفي طريقة ثانية انك تسحب النافذة اللي تبغاها لأي ركن في الشاشة وراح يساعدك البرنامج انك ترتبها بالطريقة اللي تحبها ..

الاختصارات بشكل عام توفر وقت وجهد وإذا تعودت عليها راح تعرف قيمتها

كم راح يكلفك؟ وهل يستاهل؟

بالنسبة للسعر .. مقارنة بباقي البرامج الثانية اللي تقدم نفس فكرة magnet يعتبر هو الارخص بينهم $7.99

انا ماجربت غيره لكني جدا مرتاح باستخدام هذا البرنامج .. إذا ماجربت أي برنامج يقسم لك الشاشات .. أنصحك بشدة تجرب البرنامج وراح تدعيلي .. وأشوف انه يستاهل سعره.

حتى لحظة كتابة المقال هذا تقييم التطبيق ٤.٩ من ٥ وعدد المقيمين مايقارب ٨٧،٣٠٠ يعني إن شاء الله انو كويس ..

على فكرة حتى لو انت شخص يشتغل على شاشة وحدة وتحب انك تقسمها البرنامج حيكون كويس لك ..

وأهم شي عشان تستفيد من التطبيق بشكل مرة ممتاز .. انك تتعرف على الاختصارات وتستخدمها
وراح تكتشف الفرق بنفسك ..

نجي عند مرحلة تحميل التطبيق .. من هنا 👇🏻

في برنامج مجاني .. لكن ماجربته .. يمكن اجربه في المستقبل اسمه Tiles
لكن ماراح تلاقي هذا التطبيق في متجر البرامج إذا حاب تجربه ممكن تلاقيه من [هنا] << ما انصح تحمل أي برنامج إذا كان من مطور غير معروف

على فكرة الشاشة اللي استخدمها هي Lenovo Q27h-10 27 inch