مرحبا .. أنا زيد التوخي طالب دكتوراه بجامعة UTS ماجستير في هندسة تحليل البيانات في جامعة جورج ميسون George Mason University محاضر بكلية الحاسب الآلي ونظم المعلومات بالجامعة الإسلامية
مصمم جرافيك واحب التصميم وخصوصا تصميم الشعارات والهويات البصرية وتصميم المواقع الالكترونية أعطيت عدد من الدورات
هذا الموقع محاولة لنشر المعلومات وإثراء المحتوى العربي .. بكتبه بلغة بسيطة غير متكلفة
من زمان وانا في بالي موضوع انو لما احتاج شي على طول ابحث في قوقل او ChatGPT والاقي الناس كاتبين عن تجاربهم وحلول للمشاكل .. ومن هنا جات فكرة الموقع
حكتب عن أي شي احس اني ممكن أفيد فيه غيري حتى لو ماكنت خبير في هذا المجال راح اكتب اللي اعرفه إذا كان صح الحمدلله وإذا كان خطاء ياليت تقلي عشان نتناقش فيه وأعدل واكتب ايش الصح عشان غيرنا يستفيد. راح احاول اكتب كل ماجاتني فرصة.
بعض الأشياء اللي راح اكتب عنها التصميم الجرافيكي بحكم أني مصمم من ٢٠٠٦ تقريباً وأعطي دورات من عام ٢٠١٣، في قسم التصميم الجرافيكي حتلاقي مقالات أنا كتبتها ومقالات كتبها غيري حسيت إن فيها حاجة جديدة ومواقع وقنوات تعليمية وكمان نماذج من التصاميم اللي عملتها اللي يارب تعجبك.
حتكلم كمان عن التطبيقات والخدمات اللي استخدمها في الابتوب والجوال والايباد بشكل يومي وبتخلي حياتي اسهل “على فكرة انا أغلب المنتجات التقنية اللي استخدمها من شركة أبل
كمان راح اتكلم عن مواضيع تقنية مختلفة من ضمنها تحليل البيانات وخواطر وافكار وغيرها
وأخيراً .. هذا موقع شخصي وأغلب اللي راح تقراه بيكون من أفكاري وقناعاتي.
وأتمنى يعجبك المحتوى والأهم يارب تستفيد لو على الاقل معلومة وحدة جديدة حكون حققت الهدف من هذا الموقع.
وشكرا..
